डाइनामिक एकेडेमिक इआरपीको अपडेटेड भर्सन लन्च, स्मार्ट स्कुलको लागि उपयुक्त

डाइनामिक टेक्नोसफ्ट प्रालिले डाइनामिक एकेडेमिक इआरपीको अपडेटेड भर्सनहरु विद्यालयको लागि उपलब्ध गराएको छ ।

अहिले विद्यालयहरु विभिन्न प्रविधि र सफ्टवेयरको प्रयोग गर्दै डिजिटलाइजेसन तर्फ अघि बढिरहेका छन् । बजारमा विभिन्न आइटी कम्पनी तथा संस्थाहरुले शिक्षालाई डिजिटलाइज गर्ने प्रयास गरिरहेको विषयलाई ध्यानमा राखेर कम्पनीले नयाँ भर्सन ल्याएको हो । डाइनामिक इआरपीमा एकाउन्ट, ट्रान्सपोर्ट, लाइब्रेरी, पेरोल, जिपिएसको समाधान दिन सकिन्छ । यसमार्फत विद्यालयले सबै आर्थिक व्यवस्थापन पारदर्शीरुपमा राख्न सक्छन भने विद्यार्थीले शुल्क तिरेको जानकारी सम्वन्धित निकाय र अभिभावकमा अपडेट हुनेछ । यसले विद्यार्थीहरुको बस वा गाडी कहाँ आइरहेको छ वा कतिखेर घरबाट निस्कने समेत जानकारी दिनेछ । विद्यार्थीहरुले घरमै बसि नोट तथा शिक्षकले दिएको होमवर्क हेर्ने र बुझाउन सक्छन । यस सफ्टवेयरको प्रयोगबाट लाइब्रेरी व्यवस्थापन समेत गर्न सकिने कम्पनीको भनाई छ ।

यस सफ्टवेयर मार्फत अनलाइन एटेन्डेन्स पनि गर्न सकिन्छ । विद्यार्थी र शिक्षकको लागि छुट्टै मोवाइल एप मार्फत थप सुविधा लिन सकिन्छ । समग्ररुपमा विद्यालय, विद्यार्थी र शिक्षकलाई समेत यस सफ्टवेयर मार्फत एउटै नेटवर्कमा जोड्न सकिन्छ । विद्यार्थीको पर्फमेन्स र मार्कसिट पनि यसले उपलब्ध गराउछ । यि सबै सुविधाहरुको लागि अहिले बजारमा डाइनामिक एकेडेमिक इआरपी उपलब्ध भएको कम्पनीका प्रवन्ध निर्देशक दिपक साहले बताए ।

नेपालका सयभन्दा बढि विद्यालयहरुमा सफल प्रयोग भइरहेको यो एप्लिकेशन नेपालका अन्य जुनै सफ्टवेयरभन्दा पनि उत्कृष्ट रहेको कम्पनीको दाबी छ । काठमाडौ, विरगञ्ज, चितवन, वुटवल र अन्य स्थानमा पनि यस सफ्टवेयरको प्रयोग भइरहेको छ । यो सफ्टवेयर युजर फ्रेन्ड्लीका साथै उत्कृष्ट सपोर्ट सुविधा समेत कम्पनीले दिने जनाएको छ ।

शिक्षालाई प्रविधिसँग जोड्दै स्मार्ट स्कुल बनाउन डाइनामिक एकेडेमिक इआरपी उत्कृष्ट प्लाटफर्म भएको प्रयोगकर्ता विद्यालयहरुको भनाई छ ।